อพฺยากตํ สเหตุกญฺเจว น จ เหตุํ ธมฺมํ ปฏิจฺจ นอกุสโล นอเหตุโก เจว นนเหตุ จ ธมฺโม อุปฺปชฺชติ เหตุปจฺจยาฯ อพฺยากตํ สเหตุกญฺเจว น จ เหตุํ ธมฺมํ ปฏิจฺจ นกุสโล นอเหตุโก เจว นนเหตุ จ นอกุสโล นอเหตุโก เจว นนเหตุ จ ธมฺมา อุปฺปชฺชนฺติ เหตุปจฺจยาฯ ตีณิฯ
1-5. กุสลตฺติก-เหตุเหตุสมฺปยุตฺตทุกํ
[13] กุสลํ เหตุญฺเจว เหตุสมฺปยุตฺตญฺจ ธมฺมํ ปฏิจฺจ นอกุสโล นเหตุ เจว นเหตุวิปฺปยุตฺโต จ ธมฺโม อุปฺปชฺชติ เหตุปจฺจยาฯ กุสลํ เหตุญฺเจว เหตุสมฺปยุตฺตญฺจ ธมฺมํ ปฏิจฺจ นอพฺยากโต นเหตุ เจว นเหตุวิปฺปยุตฺโต จ ธมฺโม อุปฺปชฺชติ เหตุปจฺจยาฯ กุสลํ เหตุญฺเจว เหตุสมฺปยุตฺตญฺจ ธมฺมํ ปฏิจฺจ นอกุสโล นเหตุ เจว นเหตุวิปฺปยุตฺโต จ นอพฺยากโต นเหตุ เจว นเหตุวิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ ตีณิฯ
(อกุสลํ ตีณิ กาตพฺพํ, อพฺยากตํ ตีณิ กาตพฺพํฯ)
เหตุยา นวฯ
[14] กุสลํ เหตุสมฺปยุตฺตญฺเจว น จ เหตุํ ธมฺมํ ปฏิจฺจ นอกุสโล นเหตุวิปฺปยุตฺโต เจว นนเหตุ จ ธมฺโม อุปฺปชฺชติ เหตุปจฺจยาฯ กุสลํ เหตุสมฺปยุตฺตญฺเจว น จ เหตุํ ธมฺมํ ปฏิจฺจ นอพฺยากโต นเหตุวิปฺปยุตฺโต เจว นนเหตุ จ ธมฺโม อุปฺปชฺชติ เหตุปจฺจยาฯ กุสลํ เหตุสมฺปยุตฺตญฺเจว น จ เหตุํ ธมฺมํ ปฏิจฺจ นอกุสโล นเหตุวิปฺปยุตฺโต เจว นนเหตุ จ นอพฺยากโต นเหตุวิปฺปยุตฺโต เจว นนเหตุ จ ธมฺมา อุปฺปชฺชนฺติ เหตุปจฺจยาฯ ตีณิฯ
อกุสลํ เหตุสมฺปยุตฺตญฺเจว น จ เหตุํ ธมฺมํ ปฏิจฺจ… ตีณิฯ อพฺยากตํ… ตีณิฯ เหตุยา นวฯ
1-6. กุสลตฺติก-เหตุสเหตุกทุกํ
[15] กุสลํ นเหตุํ สเหตุกํ ธมฺมํ ปฏิจฺจ นกุสโล นเหตุ นสเหตุโก ธมฺโม อุปฺปชฺชติ เหตุปจฺจยาฯ
กุสลํ นเหตุํ สเหตุกํ ธมฺมํ ปฏิจฺจ นอกุสโล นเหตุ นสเหตุโก ธมฺโม อุปฺปชฺชติ เหตุปจฺจยาฯ กุสลํ นเหตุํ สเหตุกํ ธมฺมํ ปฏิจฺจ นกุสโล นเหตุ นสเหตุโก จ นอกุสโล นเหตุ นสเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ
อกุสลํ นเหตุํ สเหตุกํ… ตีณิฯ
อพฺยากตํ นเหตุํ สเหตุกํ ธมฺมํ ปฏิจฺจ นกุสโล…เป.… นอกุสโล…เป.… นกุสโล นเหตุ นสเหตุโก จ นอกุสโล นเหตุ นสเหตุโก จ ธมฺมา อุปฺปชฺชนฺติ เหตุปจฺจยา… ตีณิฯ
[16] อพฺยากตํ นเหตุํ อเหตุกํ ธมฺมํ ปฏิจฺจ นกุสโล นเหตุ นอเหตุโก ธมฺโม อุปฺปชฺชติ เหตุปจฺจยาฯ อพฺยากตํ นเหตุํ อเหตุกํ ธมฺมํ ปฏิจฺจ นอกุสโล นเหตุ นอเหตุโก ธมฺโม อุปฺปชฺชติ เหตุปจฺจยาฯ อพฺยากตํ นเหตุํ อเหตุกํ ธมฺมํ ปฏิจฺจ นกุสโล นเหตุ นอเหตุโก จ นอกุสโล นเหตุ นอเหตุโก จ ธมฺมา อุปฺปชฺชนฺติ เหตุปจฺจยาฯ (3)
เหตุโคจฺฉกํ นิฏฺฐิตํฯ
1-7-8. กุสลตฺติก-สปฺปจฺจยาทิทุกานิ
[17] อพฺยากโต อปฺปจฺจโย ธมฺโม นอพฺยากตสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นกุสลสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นอกุสลสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นอกุสลสฺส นอปฺปจฺจยสฺส จ นอพฺยากตสฺส นอปฺปจฺจยสฺส จ ธมฺมสฺส อารมฺมณปจฺจเยน ปจฺจโยฯ อพฺยากโต อปฺปจฺจโย ธมฺโม นกุสลสฺส นอปฺปจฺจยสฺส จ นอกุสลสฺส นอปฺปจฺจยสฺส จ ธมฺมสฺส อารมฺมณปจฺจเยน ปจฺจโยฯ (5)
อารมฺมเณ ปญฺจฯ (อสงฺขตํ อปฺปจฺจยสทิสํฯ)
1-9. กุสลตฺติก-สนิทสฺสนทุกํ